ROXAS CITY – Mainit nga ginsug-alaw sa Roxas City airport sang mga Capizeño ang pag-abot sa syudad ni Ambassador of Israel to the Philippines Efraim Ben Matityau.
Kaupod ni Ambassador Matityau ang mga katapu sang Wings of Hope Foundation nga nagpatigayon sang pila ka mga aktibidad sa mga eskwelahan sang President Manuel Roxas Memorial School South kag Capiz National HighSchool sa diin nagpanagtag sila sang mga libro.
Naghalad man sang bulak ang opisyal sa monumento ni anay President Manuel Roxas tanda sang pagpasalamat sang Israel sa nangin kontribusyon ni Roxas para maging independent state ang nasambit nga nasyon.
Ginpabugal man ni Ambassador Matityau ang maayo nga relasyon sang Pilipinas kag Israel nga nagdugay sang pila ka dekada, sa diin pamatood lamang diri ang 40mil ka mga OFW’s nga nagatrabaho sa amo nga pungsod.
