Nagtaliwan na ang anay aktor sang TGIS nga si Red Sternberg sa edad nga 50 sang Martes, Mayo 27, 2025.
Ini ang ginkumpirmar sang iya asawa nga si Sandy sa isa ka post sa Facebook sini nga Biernes.
Si Red, nga sa matuod nga kabuhi amo si Rodwick, magasaulog pa kuntani sang iya ika-51 nga kaadlawan subong nga adlaw, Mayo 30.
‘It is hard to find the words… This has been the most difficult time I have ever gone through my whole life,’ siling ni Sandy, nga nagasiling nga ang bulan sang Mayo importante sa ila pamilya bangod sang asud-asod nga mga kaadlawan sa ila pamilya.
Madumduman nga si Red ang kilala bilang “Kiko” sa sikat nga youth-oriented show sang dekada 90, sa diin kaupod niya sanday Angelu de Leon, Bobby Andrews, kag Rica Paralejo.
Wala na ginpaambit sang pamilya ang kabangdanan sang iya kamatayon, kag nagpangabay sila sang privacy samtang nagakasubo sila.
‘Please keep our family in your thoughts and prayers,’ dagdag ni Sandy.dugang pa ni Sandy.
Sa subong, wala pa sang ginpagwa nga detalye angut sa memorial service para sa anay aktor
