DAO, CAPIZ – Boluntaryo nga nagsungka sa kapulisan sang 2nd Capiz Provincial Mobile Force Company sa Barangay Manhoy, Dao, Capiz ang isa ka lalaki nga nagpakilala nga anay katapo sang Communist Terrorist Group (CTG).
Baswe sa impormasyon nga nagikan sa mga kapulisan, ang wala na ginhingadlan nga persona nagaserbe bilang aktibo nga miyembro sa idalum sang Squad 2, Front 14 Regional Sentro De Gravidad, Madia-as Platoon, Komiteng Rehiyon-Panay sang tuig 2021 tubtob tuig 2023.
Suno diri nga nagdesider ini nga magsungka sa otoridad kag untatan na ang pagsuporta sa rebelde nga grupo bangud nareyalisar sang surenderee nga madugay na ini nga ginatiplang sang NPA.
Kadungan sang iya pagsungka, gin-surrender man sini ang isa ka unit sang ka homemade 12-gauge shotgun (long barrel) kag duha (2) ka mga bala.
Sa karon, yara na sa paghinakop sang kapulisan ang nasambit nga armas-luthang kag ang persona para sa nagakaigo nga disposisyon.
