Anay SAP Bong Go sug-alawon sang mga miyembro sang PDP-Laban sa pagbisita sa Roxas City

ROXAS CITY – Kumpirmado na ang pagpadulong sa probinsiya sang Capiz ni anay Special Assistant to the President (SAP) Christopher ‘Bong’ Go sa maabot nga Enero 26, 2019.

Ginpahayag ni PDP Laban Mayoralty Candidate Rommel Lastimoso nga mayor nga tinutuyo ni Go sa pagbisita sa probinsiya sang Capiz ang paglunsyar sang Bayan for Bong Go movement nga hiwaton sa Dinggoy Roxas Civic Center (DRCC) kag pagpakighinun-anon sa pila ka mga lideres sang partido.

Suno kay Lastimoso nga sug-alawon si Go sa Roxas City airport sang mga katapu sang PDP-Laban.

Samtang, ginklaro ni Lastimoso nga wala sang kahilabtanan ang gobyerno probinsyal sa pagpadulong sa syudad sang Roxas kag probinsiya sang Capiz.