ROXAS CITY – Natumod na ang pagkakilanlan sang anay unidentified driver nga ginbawian sang kabuhi samtang ginabulong sa Roxas Memorial Provincial Hospital (RMPH) matapos maaksidente sa ginamaneho nga motorsiklo sa Arnaldo Boulevard, Barangay Baybay, Roxas City, sang Domingo, Hunyo 26.
Ginkilala ini kay Leo Faunillo Villareal, 48-anyos residente sang Brgy Mongpong sini nga syudad.
Matandaan nga bumunggo ang ginamaneho sini nga motorsiklo sa naka-park nga motorsiklo sa kilid sang karsada rason nga nadulaan ini sang alinto kag nag-angkon sang pilas sa ulo kag iban pa nga parte sang iya kalawasan.
Ginapahayag nga yara sa impluwensiya sang makahulubog nga ilimnon ang biktima sa tion sang aksidente.
Sa karon, na-claim na sang pamilya ang bangkay sang biktima sa De Jesus Funeral Homes.
