Nakabaton ang Anti-Money Laundering Council ukon AMLC sang ika-anum nga freeze order gikan sa Court of Appeals sa mga propiedad sang mga involved sa maanomaliya nga mga flood control project.
Suno sa AMLC, ang bag-o nga freeze orders nagasakop sang 39 ka bank accounts, apat ka insurance policies kag 59 ka real estate properties lakip na ang commercial kag agricultural assets.
Dugang pa sini, ang pila sa mga real estate assets ginapanag-iyahan sang mataas nga opisyal sang gobyerno nga ginasuspetsahan nga may kahilabtanan sa mga flood control project.
Sa subong, may yara sang 1,671 ka mga bank accounts nga gin-freeze sang AMLC nga ginalakipan sang 58 ka mga insurance policies, 163 ka mga salakyan, 99 ka mga kadutaan kag 12 ka mga e-wallet accounts nga nagabalor sang kabug-usan nga P4.67 billion.
