6 Chinese, arestado nga naga-operate sang iligal nga pabrika sang sigarilyo
Arestado ang anum ka mga Chinese nationals bangud sa pag-operate sang ginaalegar illegal nga pabrika sang sigarilyo sa Mexico, Pampanga.
Masobra 60 naman ka mga Filipinos nga mga biktima sang human trafficking ang nasalbar, kag duha ka mga congressman sa Luzon ang ginapahayag yara sa likod sang iligal nga aktibidad.
Ang congressmen ang wala na ginpangalanan pa.
Nakumpiska sa operasyon ang ginabanta P4.5 billion nga balor sang mga kagamitan kag produkto nga may peke nga selyo sang Bureau of Internal Revenue (BIR) gikan sa duha ka bodega.
Suno kay Department of the Interior and Local Government (DILG) Secretary Jonvic Remulla, ang mga trabahador ang ginpromisahan sang sweldo apang naka-eksperyensya sang indi makatawo nga kondisyon kag wala man sila nakabaton sang bayad.
Sa subong, nagapangatubang ang mga suspek sang kaso nga human trafficking kag agricultural sabotage samtang padayon ang imbestigasyon sang mga otoridad.
