Patay ang Armed Forces chief of staff nga si Abdolrahim Mousavi kaupod ang pila ka matag-as nga opisyal sang militar matapos ang pag-atake sang Estados Unidos kag Israel batuk sa Iran.
Base sa listahan nga ginpaguwa sang state TV, kalapik sa mga napatay sanday Defence Minister Aziz Nasirzadeh, Revolutionary Guards chief, Mohammad Pakpour, kag defence head nga si Ali Shamkhani.
Suno sa report, natabo ang mga pagpan-atake sa tion sang “defense council meeting” batuk sa pag-atake sang US kag Israel.
Samtang, sa separado nga airstrike, napatay man ang Police intelligence chief sang Iran nga si Gholamreza Rezaian.
Kasunod sini, ang Iran naglunsyar liwat sang isa ka missile kag drone attacks nga ginpuntirya ang military base sang US sa rehiyon kag sa Israel, kon sa diin isa ini ka tikang bilang pagbalos sa pag-atake sang duha ka pungsod nga ginpahayag nagpatay sa ila Supreme Leader nga si Ayatollah Ali Khamenei.
Lakip sa mga ginpuntirya amo ang 27 ka base sang US sa rehiyon, subong man ang military headquarters sang Israel kag isa ka defense industries complex sa Tel Aviv.
