Nakabalik na sa US base sa Missouri ang B-2 stealth bomber matapos makompleto ang Operation Midnight Hammer sa Iran.
Dominggo sang gab-i, nag-post sa social media si President Donald Trump nga ang B-2 stealth bomber pilots nga nagpatigayon sang ila mission sa Iran ang nakabalik na sa base nga safe.
Ginapahayag nga ang US operation ang ginalakipan sang pito ka mga stealth B-2 bombers.
Samtang may yara man sang masobra 125 ka mga aircraft ang nag-upod lakip na diri ang B-2, refueling tankers, reconnaissance planes kag fighter jets.
ABOUT B-2 BOMBERS
Sila lamang ang may yara sang plane nga sarang makasakay ang Massive Ordance Penetrator sa diin ginakabig ini sang mga experts nga nagaisahanon nga sahi sang bomba nga may ikasarang nga gub-on ang underground Fordow nuclear facility sang Iran.
Ang kada B-2 bomber ang mahimo makadala sang duha ka mga “bunker buster” bombs nga may kabug-aton nga 30,000 pounds kada isa.
