Babaye, ginluwas ang iya mga hinuptanan nga ido sa nasunog nga building sa Cebu

Naga-viral sa social media ang isa ka babaye nga na-rescue kag wala ginbayaan ang iya duha ka hinuptanan nga ido gikan sa nagakalayo nga building sa Mandaue, Cebu.

Natabo ang insidente sa isa ka tatlo ka panalgan nga building sini nga Miyerkules sa Sto. Niño, Brgy. Guizo, syudad sang Mandaue.

Gikan sa ikatlo nga panalgan, sunod-sunod nga ginhaboy sang babaye ang duha ka ido, nga ginsaho sang mga tawo sa idalum.

Matapos nga na-rescue ang duha ka ido, nalab-ot sang babaye ang hagdan gamit ang iya mga tiil agud makapanaug.

Makahalawhaw man ang eksena kay halos matumba siya bangod tuman ka lip-ot ang hagdan, gani kinahanglan niya magbitay.

Sa katapusan, ang babaye luwas man nga ginbuligan sang isa ka bombero.