Babaye nga driver sang motorsiklo pilason matapos nakabunggo sang layaw nga ido

ROXAS CITY – Nagparekord sa Roxas City PNP ang driver sang motorsiklo matapos nga ginaalegar nakabunggo sang layaw nga ido sa Barangay Dayao, Roxas City.

Ginkilala ang biktima nga si Jocelyn Araza sang nasambit nga lugar.

Base sa inisyal nga imbestigasyon nga samtang ginasubay ni Araza ang dalanon sakay sa motorsiklo hinali na lamang nga may nagtabuk nga layaw ido rason nga nadulaan ini sang kontrol sa pagmaneho.

Bangud diri, natumba ini sa motorsiklo rason nga nag-angkon ini sang pila ka mga injury sa lawas.

Ginpakamaayo na lamang sang biktima nga iparekord sa pulisya ang insidente.