Babaye nga may kaso nga Qualified Theft, boluntaryo nga nagsungka sa mga kapulisan sa syudad sang Roxas

ROXAS CITY – Boluntaryo nga nag-surrender sa Roxas City Police Station ang isa ka babaye nga ginakabig wanted person.

Ginkilala ang akusado kay alyas “Rose”, 26-anyos nga residente sang Brgy. Cayos, Dumangas, Iloilo.

Nagapangatubang sa kaso nga Qualified Theft ang nasambit nga akusado.

Ang warrant of arrest ang gin-isyu kag ginpirmahan ni Hon. Ignacio Alajar, Acting Presiding Judge, RTC, Sixth Judicial Region, Branch 18, Roxas City, Capiz kag napetsahan Mayo 10, 2024.

Ginrekomendar naman sang korte ang P80,000 nga piyansa para sa temporaryo sini nga kahilwayan.

Sa karon, nagapabilin sa paghinakop sang Roxas City PNP ang akusado para sa nagakaigo nga disposisyon.