Pilason sa tiil ang isa ka babaye matapos siya aksidente nga matirohan sang iya utod nga ginaalegar nagapangtiro sang ilaga sa Pandacan, Maynila.
Makit-an sa CCTV sang Barangay 867 ang pagdalagan sang tatlo ka mga lalaki samtang ginahakwat sang isa sa ila ang babaye.
Suno sa barangay, dal-on ang babaye sa ospital matapos ini matirohan sa nawala sini nga tiil.
Gindumdom pa una nga may nagtalang nga bala nga nag-igo sa babaye.
Apang sa ika-tatlo nga balik sang kapulisan, duha ka armas ang narekober sa balay mismo sang biktima, nga isa ka airsoft kag isa ka .45.
Suno sa kasilingan sini, ang magulang mismo sang biktima ang aksidente nga nakatiro sa iya utod bangud ginaalegar nga nagapangtiro ini sang ilaga sang amo nga tion.
Samtang sandig naman sa panaysayon sang babaye sa pulis, bag-o lang siya natapos sa paglaba kag nagakaon na sang panyapon sang makabati ini sang lupok sang pusil.
Hinali na lang siya nga natumba kag natalupangdan sini nga nagadugo na ang iya tiil.
Padayon pa ang imbestigasyon sang kapulisan
