(UPDATE) – Wala maka-survive samtang ginabulong sa ospital ang pasahero nga babayi nga nahulog kahapon sang hapon sa ginasakyan nga colorum nga traysikol, sa Barangay Tiza, Roxas City.
Ini ang ginkumpirmar ni Aileen Panaga Marquez, malapit nga kakilala sang biktima, sang napakig-angutan sang Bombo Radyo.
Nahibaluan nga ginkilala ang pasahero kay Mariepress Cervales, nga residente sang Brgy. Lanot, sini nga syudad.
Matandaan nga isa sa mga backrider si Cervales, apang nahulog ini sang naglabay sa kurbadahon nga bahin sang karsada ang ginasakyan sini nga traysikol.
May alegasyon man nga natapakan pa ang biktima sang salakyan nga nagasunod sa traysikol.
Sa karon, luyag sang mga himata sang biktima nga maangkon ang hustisya sa kamatayon ni Cervales.
