Babayi nga taga-Roxas City kag ginaalegar nagpang-scam pinaagi sa paggamit sang pangalan sang real estate company, nadakpan sa entrapment Ops sang CIDG sa Iloilo

ROXAS CITY – Dakup ang isa ka babayi nga ginapahayag taga-Roxas City sa isa ka entrapment operation nga ginpatigayon snag Criminal Investigation and Detection Group (CIDG) Iloilo sa isa ka Mall sa Mandurriao, Iloilo City.

Nagagamit sang pangalan nga Melvelyn Daradar kag Maria Evelyn Daradar ang nasambit nga babayi, nagapang-edaron sang 24-anyos kag nagpakilala nga taga Barangay Dayao, Roxas City.

Nahibaluan nga gingamit sang babayi ang pangalan sang isa ka Real Estate Company apisar nga indi ini konektado sa amu nga kompanya.

Sa ginpalab-ot nga reklamo sa CIDG nga kun mabayaran na si Daradar, wala na ini nagapakita.