Bag-o bun-ag nga lapsag, utod ang natuo nga hita kag bali ang nawala nga tuhod, matapos nga gintaban sang ido

ROXAS CITY – Natalupangdan sang isa ka residente ang isa ka bag-o bun-ag nga lapsag nga babayi sa idalom sang ila sofa nga wala na sang natuo nga hita kag bali ang nawala nga tuhod, matapos nga ginpahayag gintaban sang ila hinuptan nga ido.

Sa interview sang Bombo Radyo kay Richard Abasiar, ginsiling sini nga gilayon nila nga ginpadangat sa St. Anthony Hospital ang amu nga lapsag.

Nahibaluan nga gin-abandonar ang lapsag sa kilid sang dalan sa Sitio Calumdom, Barangay Tiza, Roxas City.

Wala man sang ideya ang mga residente kun sin-o ang iresponsable nga ginikanan nga nag-abandonar sa lapsag.

Sa karon, padayon nga ginabulong sa nasambit nga ospital ang bata apang wala na mabalik ang iya nautod nga hita.