Bag-o nga Kapitana sang Barangay Carataya banwa sang Cuartero, nagsumpa na

ROXAS CITY – Pormal na nga nagpanumpa ang bag-o nga Kapitana sang Barangay Carataya, Cuartero, Capiz.

Nagpanumpa si Kapitana Mary Grace Cocjin sa talatapan ni Governor Fredenil H. Castro kahapon nga adlaw, Abril 17, 2024.

Naghatag man ang Gobernador sang laygay sa bag-o nga kapitana.

Ginpanugyanan sini si Kapitana Cocjin nga ihatag ang iya pinakamaayo nga pagserbisyo para sa iya mga nasakupan kag sa tayuyon nga pag-uswag sang barangay Carataya sa nasambit nga banwa.