ROXAS CITY- Ginbisita ni Mr. Juanito Tanchico ,bag-o nga Manager sang Civil Aviation Authority of the Philippines (CAAP) ang probinsya sang Capiz may kaangtanan sa pagpanami sang Roxas city airport.
Nakighinala ini sa alkalde sang syudad agud magpresentar sang mga development project plan sa syudad sang Roxas.
Nahibaluan nga kalakip sa iya ginpresentar ang development projects sa Roxas City Airport kasubong sang pagpalapad sang runway, expansion sang apron, konstruksyon sang airport tower, passenger terminal, pagpalapad sang parking space kag iban pa nga kinahanglan agud mapaayo ang operasyon sang airport.
Dugang pa diri, nga gin-istoryahan man ang potensyal nga pagdugang sang flights sa Roxas City.
Tinutuyo sa nasambit nga proyekto nga magahatag sang mas dekalidad nga serbisyo, manami kag malapad nga espasyo para sa mga pasahero.
