Nagpromisa ang bag-o nga lider sang Nepal nga pamatian ang mga ginahingyo sang mga protesters nga tapuson na ang kurapsyon samtang nagaumpisa siya sa pagtrabaho bilang interim prime minister kasunod sang mga hublag protesta sang pamatan-on ukon “Gen Z” nga nagpanawagan nga pahalinon ang una nga lider.
Suno kay Prime Minister Sushila Karki, dapat pamatian ang tingog sang kabataan kag sundon ang ila napangayo nga maayo nga panggobyerno kag patas nga ekonomiya.
Sa iya una nga adlaw sa pagpungko bilang bag-o nga Prime Minister, naghatag siya sang isa ka minuto nga kalinong antes ang pag-umpisa sang iya pagsinapol sa Singha Durbar government complex sa diin pila ka mga buildings ang ginsunog sang ginpatigayon ang hublag-protesta.
Nahibaluan nga indi magnubo sa 72 ka tawo ang napatay kag 191 ang pilason sa duha ka adlaw nga protesta.
