Nagpaguwa ang bag-o nga Iranian Supreme Leader nga si Ayatollah Mojtaba Khamenei sang iya una nga mensahe.
Sa iya ginpaguwa nga audio message, luyag niya nga magpabilin nga sirado ang Strait of Hormuz bilang kabahin sang ila pressure.
Ginhingyo man sini nga kuhaon ang tanan nga base militar sang US sa tanan nga pungsod sa Middle East.
Kon padayon nga mangin matig-a sila kag indi sila pagpahalinon, indi sila mag-untat sa pagsalakay.
Ginpahayag man sini nga kinahanglan nga magbayad sang kumpensasyon gikan sa ila mga kaaway kag kun indi nila ini paghimuon, pat-od nga gub-on sila sang Iran.
Ginapasiguro man sini nga magabalos sila sa mga nagpatay sa ila mga pumuluyo.
Matandaan nga humalin sang gin-appoint ang bag-o nga Supreme Leader, wala pa ini magpakita sa publiko.
