Naghatag ang Philippine Coast Guard sang “Bagong Pilipinas goodies” sa isa ka gatos ka mga manugpangisda nga nagapuyo sa probinsya sang Zambales.
Ang nasambit nga “goodies” ang may sulod nga mga nagapabuna nga kinahanglanon kaangay sang bugas, oatmeal, kag lain-lain nga klase sang pagkaon sa lata.
Ang tinutuyo sang ini nga tikang amo ang paghatag suporta kag bulig sa mga manugpangisda, labi na sa tion sang Paskwa.
Agud magdugang sang kalipay kag selebrasyon sa okasyon, ang mga personnel sang PCG nga nagpatigayon sang paghatag nagsul-ob man sang mga sombrero ni Santa Claus.
Ini isa ka paagi agud ipabatyag ang espiritu sang Paskwa kag maghatag kalipay sa mga manugpangisda kag sa ila mga pamilya.
Magluwas diri,, ang Coast Guard Sub-Station San Antonio aktibo man nga naga-partisipar sa paghatag bulig sa mga mamalaot nga ara sa baybayon sang San Antonio.
Dugang pa, ang bug-os nga aktibidad nga ini suno sa direkta nga mando ni Presidente Marcos Jr. nga personal nga siguruhon ang kaayuhan sang mga mamalaot sa bilog nga pungsod.
