Dalayon na nga nakaguwa sang Philippine Area of Responsibility (PAR) ang Bagyo Opong (international name: Bualoi) sang Sabado sang aga.
Takna las-10:00 sang aga, ginabulubanta nga yara sa kalayuon nga 645 kilometro sa western portion sang Sangley Point, Cavite City ang sentro sang bagyo.
Dala sini ang kabaskugon sang hangin nga nagdangat sa 120 kilometro kada oras malapit sa sentro, kag pagmadlos nga tubtob sa 150 kilometro kada oras.
Padayon ini nga nagahulag pa west northwest sa kadasigon nga 35 kilometro kada oras ukon paguwa sang pungsod..
Apisar nga wala na sa sulod sang Philippine Area of Responsibility, ginapahanumduman sa gihapon ang publiko kag mga maugpangisda nga mangin aligmat sa posible nga epekto sang hangin habagat nga mahimo pabaskugon sang bagyo samtang yara ini sa guwa sang pungsod.
Lauman sa gihapon ang mga pag-ulan, dala sang magal-umon nga kalangitan.
