-- ADVERTISEMENT --
Dalayon nga nagguwa sa Philippine Area of Responsibility (PAR) ang Bagyong Domeng alas-11:30 sang aga sang Hunyo 1, 2026.
Suno sa ulat, ang sentro sang bagyo yara na sa layong mga 710 kilometro sa amihanan-sidlakan sang Itbayat, Batanes samtang nagapadayon ang iya pagpanlakatan pa-amihanon sa bilis nga 20 km/h.
Taglay pa sini ang kusog nga hangin nga nagaabot sa 120 km/h malapit sa sentro kag pagbugso nga nagaabot sa 150 km/h.
Bisan nagguwa na sa PAR, ginpahanumdom sang mga awtoridad ang publiko nga magapabilin nga alerto sa posible nga ulan kag epekto sang habagat sa iban nga parte sang pungsod.
