PANAY, CAPIZ – Ginalauman nga matapos sa sulod sa isa ukon duha ka semana ang Bailey Bridge sa Barangay Agojo, Panay, Capiz.
Sa interview sang Bombo Radyo kay Panay Mayor Jonathan ‘Sonny’ Besa, iya ginpahayag nga nagpromisa ang first district engineering office sang Department of Public Works and Highways (DPWH) nga pagasuguran na ang pagkaayo subong nga adlaw.
Suno kay Mayor Besa, ang pagbyahe sang mga materyales ang nagtuga sang delay rason nga wala insigida maumpisahan ang nasambit nga tulay.
Nahibaluan nga ang Bailey bridge ang isa ka temporaryo nga solusyon samtang nagadihon sang tikang nga makakuha sang bastante nga budget sa pagtukod sang panibag-o nga tulay.
Pahayag pa niya, nakastandby naman ang mga manug-ubra sang tulay agud gilayon na nga maumpisahan.
Padayon man nga nagapanawagan sang dugang nga pag-intindi ang natungdan sa mga pumuluyo sang Barangay Agojo kag ginsiguro nga mapangitaan na sang permanente nga solusyon ang amo nga problema.
INTERVIEWED BY: BOMBO ROADNIE DABAN DALANON VIA ZONA LIBRE
