-- ADVERTISEMENT --
ROXAS CITY – Nataban sang wala makilala nga kawatan ang kuwarta kag alahas sang mag-asawa sa sulod sang ila balay, sa Barangay Cogon, Panit-an, Capiz.
Ginkilala ang tagbalay sanday Christian kag Jovelyn Delfin, sa legal nga pang-edaron kag residente sang nasambit nga barangay.
Sandig sa inisyal nga imbestigasyon sang mga katapo sang Panit-an MPS, nga nalipatan sang mag-asawa nga siradhan ang ila pertahan sa kusina, nga posible gin-agyan sang kawatan.
Nabugtawan nalang sang mag-asawa nga nakuha na sang makawat ang P17,000 nila nga kuwarta, kag singsing nga nagabalor sa P13,000.
Nagapadayon man sa karon ang imbestigasyon sang mga kapulisan agud matumod ang responsable sa pagpangawat.
-- ADVERTISEMENT --
