IVISAN, CAPIZ – Daku ang bulig sang Balay Silangan sa banwa sang Ivisan, Capiz para sa mga luyag nga mag paidalum sa reformation.
Sa interview sang Bombo Radyo kay Mayor Felipe Neri Yap, iya ginpahayag nga ang nasambit nga reformation center ang nakasentro sa mga indibidwal nga yara sa mga barangay drugs watchlist nga wala pa mapasakaan sang kaso kag luyag nga makakas ang pangalan sa listahan.
Suno kay Mayor Yap, ini nga reformation ang libre nga ginapatigayon sa sulod sang 30 ka adlaw kag bukas sa tanan nga pumuluyo sa bilog nga probinsya sang Capiz.
Nahibaluan nga sang nagligad nga semana, ginpirmahan ang Memorandum of Agreement kaupod ang provincial government sa pagpanguna ni Governor Fredenil Castro.
Nagpanawagan man ang natungdan sa tanan nga luyag nga magsulod sa Balay Silangan, ang i-sumiter ang mga kaugalingon sang bug-os agud nga mangin padayon ang pagbag-o sang kabuhi gikan sa pagbaligya ukon paggamit sang iligal nga droga.
