Nangin madahog ang baligyaanay sang mga bulak sa mag flowershops kag nangin madamo ang mga bumalakal kadungan sa pagsaulog sang Valentine’s Day kahapon nga adlaw.
Sa pagpakig-angut sang Bombo Radyo kay Nanay Raquel, tag-iya sang isa ka flowershop nga nahamtang sa Taft Street, Barangay 3, sining syudad, dako ang ila nga pagpasalamat nga mga vendors bangud ginhatagan sila sang manami nga panahon sa adlaw sang Valentine’s Day nga nagresulta sa pagdahog sang ila mga baligya nga nanari sari nag bulak.
Suno kay nanay Raquel apisar nga may yara sang nabilin sa iya baligya nga mga bouquet apang nalipay naman ini bangud madamu sang nabakal kag nangin madahog ini.
Pahayag pa sini nga kun ikumparar sang tinalikdan nga tuig ang baklanay sang mga bulak sa adlaw sang Valentine’s Day, mas nangin madahog ang sa subong nga tuig.
Samtang, magluwas sa flower bouquets, nangin madahog man ang mga chocolates kag teddy bears.
