Nangin mabakal na ang mga baligya nga prutas sa bahin sang Teodoro Arcenas Trade Center samtang nagahilapit ang Bag-ong Tuig.
Sa interview sang Bombo Radyo kay Genelyn Asuncion, isa ka Fruit stand Owner, iya ginpahayag nga etable pa ang presyo sang mga prutas sa subong apang may posbilidad nga magahulag ini sa tion nga mag-abot ang bag-o nga mga stocks.
Suno kay Asuncion, bangud sang malain nga tyempo kag holiday, may mga pag-cancel sang byahae rason nga naga-delay man ang shipment sang nasambit nga mga prutas.
Pahayag pa niya, may yara man sang personalized nga fruit basket ang ila nga balaligyaan sa indi na luyag magpli pa sang sang sari-sari nga prutas.
Nagalaum man ang natungdan nga mas madugangan pa gid ang ila nga kita sa pagbaligya agud nga manami man ang sulod sang Bag-ong tuig para sa ila nga fruit stand.
