ROXAS CITY – Napreso karon ang isa ka bana nga naglabo sa kaugalingon nga asawa sa Barangay Lat-asan, Panay, Capiz.
Pilason nga ginpadangat sa Roxas Memorial Provincial Hospital ang biktima nga si Susan Balgos, 36 anyos kag residente sang nasambit man nga lugar.
Sa inisyal nga imbestigasyon sang kapulisan, nagaguwa nga yara sa impluwensiya sang makahulubog nga ilimnon ang suspek nga si Randy Balgos, 45 anyos sang ginlabu ang biktima sa nawala nga porsyon sang iya nga liog.
Pagpangimon ang ginalantaw rason sa paglabo sang suspek sa asawa nga biktima.
Nahibaluan nga gintuyo kuhaon sang suspek ang cellphone sa iya asawa, apang wala ini ginhatag sang ginang.
Bangud diri posible nga naakig si Randy kag iya ginlabo ang asawa.
Sa karon yara na sa estable nga kondisyon ang ginang matapos gindapatan sang nagakaigo nga pagbulong.
