ROXAS CITY – Nagapati ang hepe sang Scene of the Crime Operatives (SOCO) nga may yara sang foul play ang kamatayon sang isa ka babaye nga nasapwan sa ginateniran nga balay sa Sitio Patyo, Barangay Bago, Roxas City.
Ini ang ginkumpirma ni Police Lieutenant Colonel Dr. Joe Martin Fuentes sang ma-interview sang Bombo Radyo.
Suno kay Fuentes nga posible ginlamposan sa ulo ang biktima nga si Maria Luz bangud una nga nadunot sa ulo nga porsyon sang biktima.
Apang indi pa makapaguwa sang tul-id nga imbestigasyon si Fuentes bangud wala pa naguwa ang resulta sang autopsy sa bankay sang biktima.
Natukiban ang nagakaagnas nga bangkay sang biktima, matapos makasimhot sang indi maayo nga baho ang mga mangunguma nga magakuha kuntani sang tortor malapit sa balay sang biktima.
