ROXAS CITY – Yara na sa punerarya ang bangkay sang duwa ka mga persona nga nadalahig sa nagluntad nga pagbungguanay sang duwa ka motorsiklo sa National Highway sang Barangay Nasunogan, Dao Capiz.
Matandaan nga ginkilala ang napatay nga sanday Jonel Dormido Celiz, 30-anyos, driver sang Suzuki radier nga motorsiklo kag residente sang Barangay Nagba, Cuartero, Capiz kag Nonito Oseta Flores Jr., 28-anyos, driver sang Honda TMX 155 nga motorsiklo kay residente sang Barangay Atiplo, Mambusao, Capiz.
Natabo ang insidente sabado sang gab-I kun sa din sandig sa imbestigasyon sang kapulisan samtang ginamaneho ni Celiz ang iya motorsiklo nagikan sa Mambusao papuli sa Barangay Nagba, Cuartero, sang nabungguan ini sang kasugata nga motorsiklo nga ginamaneho ni Flores.
Gintinguhaan pa ang mga ini nga masalbar apang gindeklarar nga dead on arrival sang magkatuhay nga ospital sa probinsya.
