PONTEVEDRA, CAPIZ- Yara na sa advanced state of decomposition ang bangkay sang lalaki nga nasapwan sa Barangay Agdalipe, Pontevedra, Capiz.
Ang amo nga bangkay ang ginkilala kay alyas ‘Oscar’ kag residente sang nasambit nga lugar.
Sa interview sang Bombo Radyo kay Police Major Gregg Anthony Salbang, Hepe sang Pontevedra Municipal Police Station, iya ginpahayag nga bangud sa reklamo nga baho sang pila ka mga residente sa amo nga lugar, natukiban ang amo nga bangkay.
Dugang pa sini, ang amo nga lalaki ang isahanon lang nga nagapangabuhi.
Nahibaluan nga may yara ini sang ginasupreher nga balatian kag posible nga amo ang kabangdanan sang iya nga kamatayon.
Samtang, gilayon naman ini nga ginlubong ang nasambit nga bangkay ni alyas ‘Oscar’.
With a report from Bombo Jessa Mae De Los Santos
