ROXAS CITY – Yara na sa punerarya ang bangkay sang isa ka senior citizen matapos nga nakuryente samtang nagakay-o sang electric motor sa Barangay Mianay Sigma Capiz.
Ginkilala ang biktima nga si Rolando Degones, 70 anyos kag residente sang nasambit nga lugar.
Nagaguwa sa inisyal nga imbestigasyon sang Sigma Municipal Police Station nga nagakay-o sang naguba nga electric motor si Bediones apang ginapahayag nga nalipatan sini nga patyon ang breaker rasun nga nakuryente ang biktima.
Sa dugang nga pagpangusisa sang mga kapulisan, nahibaluan nga may yara sang leakage sa linya sang kuryente sang nasambit nga electric motor kag basa ang natandog sang biktima.
Gilayon nga gindala sa Dao District Hospital ang biktima apang gindeklarar nga dead on arrival.
