Isa ka izakaya ukon ilimnan sa Nagoya, Japan kontrobersyal sa karon bangud sa pinasahi nga serbisyo nga ginahatag sini sa ila mga kustomer, spanking!
Magluwas sa ila crispy chicken karaage, ang Shachihoko-ya izakaya kilala sa iya mga serbidora nga nagahatag sang crispy spankings.
Sa isa ka interview sa manager sang Shachihoko-ya, ang pagtampa sa mga kustomer amo ang naghimo sang ila mahuyang nga bar nga mabakod. Sang primero, isa lang ka waitress ang nagabunal sa mga kustomer. Apang subong nga ang ila pinasahi nga serbisyo nangin in-demand, nag-hire sila sang pila ka mga babaye nga naga-spank sa 100 yen (katumbas sa P37).
Suno sa report sang Liberty Times Net, ang isa ka patron sang bar nagbayad sang 500-yen agud makapili kon sin-o nga waitress ang magatampa sa iya. Nangin popular ang ila serbisyo sa pagtampa sa guya, bisan ang mga dumuluong nagadugok agod tampaon.
Pagkatapos nga ang mga video sang pagtampa nag-viral sa mga website sang social media, ang bar nakabaton sang kritisismo, sa bagay nga sang nagligad lang nga bulan, gin-anunsyo ni Shachihoko-ya nga ila untaton ang serbisyo. Ginpangabay nila nga indi maglaum ang mga turista nga makabaton sang tampa gikan sa ila mga waitress.
