PANITAN, CAPIZ – Personal nga nagpadulong sa talatapan sang Bombo Radyo ang residente sang Barangay Cabugao, sa banwa sang Panitan kung sa diin ginareklamo sini ang indi patas nga pagpatuman sang Cash for Work sa ila lugar.
Suno kay Noe Dilay, residente sang nasambit nga barangay. Ginpahayag sini nga dako ang iya nga katingala nga nag-untat na sa pagpangtinlo ang mga benepisyaryo sang nasambit nga programa sa ila lugar nga wala pa matapos ang days of work sang mga ini.
Bangud sini, ginpakamaayo niya nga pamangkuton ang pila ka mga Barangay Official may kaangtanan sa amo nga programa apang, sabat sang mga opisyales nga wala sila sang nakahibalo kun ngaman nag-untat na ang ila nga pagtrabaho bangud suno sa iya nga byernes, Setyembre 20 pa ang katapusan nga adlaw sang ila nga pagtrabaho apang, huwebes, Setyembre 19 pa lamang, nag-untat na ang mga ini.
Kabangdanan agud magreklamo kag mapabati sa kahanginan sa paglaum nga pinaagi sini mahatagan sya sang nagakaigo nga sabat.
Mensahe ni Dilay sa mga opisyales sang ila barangay nga kun tani indi paglaktan sang pamulitika ang anuman nga programa bangud nagikan ini sa gobyerno kag ginpaagi lamang sa ila.
