ROXAS CITY-May yara sang ginahimo nga tikang ang mga barangay official sang Barangay Dayao natuhoy sa pagtapna sang Dengue.
Ini ang ginpahayag ni Punong Barangay Emily Ariza sang mainterview sang Bombo Radyo.
Ginpahayag ni Ariza nagapadulong sa mga kabalayan ang mga barangay health workers ukon BHWs agud magpanugyan sang pagpaninlo sa palibot.
Ginpangabay sa mga BHWs sini nga limpyohan ang mga stagnat water nga posible pamugaran sang mga lamok.
Magluwas diri may yara man sang ginpatigayon nga clean up drive ang barangay kag regular nga pagpaninlo sa palibot.
Samtang ginpasalig naman ni Ariza nga gilayon nga maaksyonan ang problema sa baha sa barangay.
Suno sa kay Ariza nga ginpalab-ut nya ini sa City Engineers Office nga nagpasalig man nga hatagan sang gilayon nga aksyon.
Gindugang pa sini nga sadto anay may yara sang ginaguwaan ang tubig sa suba apang nasamad ini sang ginkay-o ang dalan sang tinalikdan nga tuig.
