PRESIDENT ROXAS, CAPIZ – Patay ang isa ka barangay tanod matapos ginluthang sang duha ka mga lalaki nga magpakaisa sa Barangay Manoling, President Roxas, Capiz.
Ginkilala ang biktima nga si Jerry Abendano, 27 anyos kag residente sang nasambit man nga barangay.
Ang mga suspek ang ginkilala nga sanday Gabriel Batan kag Elohilo Batan sang amo man nga lugar
Base sa nakuha nga impormasyon sang Bombo Radyo kay Police Master Sergeant Raffy Villariez, imbestigador sang President Roxas Municipal Police Station, ginsaway sang biktima ang mga suspek bangud sa magahod nga videoke.
Sa baylo nga magsunod, ginkaakig sang mga suspek ang pagsita sa ila rason nga nagbaisay ang magtimbang nga bahin.
Bangud sang kaakig, ginluthang sang mga suspek ang biktima nga naigu sa dughan.
Ginapahayag nga lunsay yara sa idalom sang impluwensiya sang makahulubog nga ilimnon ang mga suspek sang natabo ang nasambit nga insidente.
Padayon sa karon nga ginaayam sang mga kapulisan ang mga suspetsado nga madasig nagpalagyo matapos ang krimen.
