Lunsay nahalitan ang isa ka depasahero nga barko kag isa ka fishing boat matapos nga nagbunggu-anay malapit sa baybayon sang Lucena Port sa Barangay Talao-Talao, syudad sang Lucena, Quezon subong nga adlaw, Huwebes, Hulyo 3.
Sa pahayag sang Philippine Coast Guard (PCG) nga natabo ang insidente alas 7:00 sang aga, sa diin ang depasahero nga sakayan pandagat nga MV Peñafrancia VI ang padulong sa Balanacan Port, Marinduque halin sa Lucena samtang pabalik naman ang fishing vessel (FV) Sr. Lucena.
Nahalitan ang starboard bow kag ramp sang barko samtang nahalitan man ang proa sang sakayan.
Maswerte naman nga safe and sound ang tanan nga sakay sang MV Peñafrancia VI lakip na ang 18 crew kag 82 ka pasahero subong man ang 16 ka crew members nga sakay sang fishing boat.
Matapos ang pagkabunggo, ginmanduan ang MV Peñafrancia nga magbalik sa Port of Talao-Talao sa syudad sang Lucena para sa imbestigasyon kag inspeksyon samtang ang mga pasahero ang ginsaylo sa MV Peñafrancia IX para sa medical checkup kag cargo assessment.
Samtang ginpasalig naman sang PCG nga wala sang pamahog sa seaworthiness ang nasambit nga insidente bangud wala man sang narecord nga oil spill ukon below-waterline damage.
