Bata nga napatay matapos gin-circumcise, nakitaan sang dugo sa utok base sa autopsy result

MAYNILA – Nagguwa sa resulta sang autopsy nga may yara sang pagdugo sa utok sang 10 ka tuig nga bata nga lalaki nga napatay matapos ginpaidalom sa circumcision sa Tondo, Maynila.

Suno kay Manila Police District (MPD) Homicide Division chief Police Captain Dennis Turla, posible nga may kaangtanan ang pagdugo sang utok sang bata sa sala nga paggamit sang nagpakilala nga doktor sang anesthesia.

Nagpasaka na sang reklamo nga imprudence resulting in homicide ang MPD batuk sa suspek.

Nahibaluan nga base sa imbestigasyon sang awtoridad, nakilala ang suspek bilang licensed midwife apang indi isa ka doktor.

Nakaguwa man ini sa presohan matapos makapyansa.