Bayanihan Spirit sang mga Pinoy sa Lebanon, Nagapangibabaw  sa tunga sang tensyon nga na-eksperyensyahan

Nagapangibabaw ang bayanihan spirit sang Filipino community sa Lebanon apisar sang mga airstrikes sang Israel nga naeksperyensyahan sa pungsod.

Suno kay Bombo Lilia Queliza, international correspondent sa Lebanon,  iya ginpahayag nga sa tunga sang tensyon, nagabinuligay ang mga Pinoy sa isa kag isa, ilabi na sa mga apektado nga Overseas Filipino Workers (OFW).

Ginpahayag man sini nga handa magbulig ang Department of Migrant Workers (DMW) sa mga Filipino nga gin-evacuate halin sa southern Lebanon agud masiguro ang ila seguridad.

Wala naman sang mga casualty nga na-record sa amo nga pagpang-atake.

Nagalaom naman ang Filipino community nga magabalik ang kalinong kag katawhayan sang sitwasyon sa pungsod.