ROXAS CITY – Nagreklamo ang isa ka benepisaryo sang Department of Labor and Employment (DOLE) – Tupad matapos nga ginsukot ini ni Annabelle Villagracia sang P1,500 sa baylo sang alahas.
Sa pakig-angut sang Bombo Radyo kay Marites Barredo, residente sang Barangay Tacas, banwa sang Pontevedra kag benepisaryo sang Tupad suno diri may ginpapirmahan si Villagracia sa ila nga kasulatan nga magahatag sila sang kantidad nga P1,500 sa baylo sang alahas kun mabaton na nila ang bayad sa ila gin-ubrahan sa Tupad.
Ba-se sa panaysayon ni Barredo, pagkatapos niya makuha ang benepisyo sang nasambit nga programa gilayon nga nagsukot si Villagracia sa iya apang wala siya nagbayad nga nagresulta sang pagwaras sini kag nagtuga sang kinagamo sa amu nga lugar.
Panindugan ni Barredo nga wala man ini sang nabaton nga alahas gikan sa ginareklamo rason nga wala man ini nagbayad apisar nakapirma sa nasambit nga kasulatan.
Sa karon, natalana nga makighinun-anon sila kaupod ang Punong Barangay agud mahinalaan ang nasambit nga insidente.
