Ginpaidalum na sang Bureau of Immigration sa ila Immigration Lookout Bulletin Order ang pito nga opisyal sang Office of the Vice President.
Ini matapos hinyuon sang House Committee on Good Government and Public Accountability ang pagpaidalum sini sa Lookout Bulletin bangud sa pagpamalibad sang mga ini nga magtambong sa imbitasyon sang komite sa ila ginpatigayon nga pagsinapol.
Ginkumpirmar naman ni BI Commissioner Joel Anthony Viado ang pagpatuman sang nasambit nga mandato nagikan sa DOJ.
Suno kay Viado, nabaton nila ang mandato nagikan sa Justice Department nga nakasakop sa ila sadtong Nobyembre 6 subong nga tuig.
Bangud sini, gilayon nila nga gin-isip ang mga pangalan nga nasambit sa centralized database.
Samtang, ginklaro naman sang opisyal nga indi mahimo nga dumilian sang mandato ang mga indibidwal nga nagabyahe sa baylo imonitor lamang ang ila mga hulag.
Kaangut sini, ginpahibalo naman sang DI sa DOJ kag Kongreso ang mangin byahe sang mga ini.
