Ginapreparahan na sang Bureau of Immigration ang pagdugok sang ginalauman nga 110,000 biyahero subong nga holiday season.
Mahibaluan nga ginalauman sang ahensiya subong nga tuig ang mataas nga numero sang mga pasahero nga magaabot kag magahalin sa pungsod kun ikumparar sadtong nakaligad nga tuig kag lauman nga malampuwasan sini ang na-record sadtong pre-pandemic.
Suno kay BI Commissioner Joel Anthony Viado, ang weekend arrivals sadtong nakaligad nga tuig yara sa average nga masobra 53,000 kada adlaw samtang ang departure ang yara sa 43,000.
Para naman masiguro ang maayo nga operasyon sa mga paluparan, ginpahayag ni Comm. Viado nga magapatuman ang BI sang mga tikang kasubong sang pagpabilin sang full deployment sang mga frontline officers sa kasagsagsan sang peak season.
Suno pa kay Viado nga nagdugang man sila sang mga personnel para mapabilin ang maayo nga biyahe sang mga pasahero.
