Biden, personal nga ginbisita ang mga nalaslasan sang bagyong Milton

Personal nga ginbisita ni US President Joe Biden ang mga nalaslasan sang hurricane Milton sa Florida.

Ginsiling sini nga sobra sila nga nagapasalamat bangud sa indi nangin malala ang kahalitan nga gintuga sang amo nga bagyo.

Nagpromisa ini nga magahatag sang $600-milyon nga bulig para sa mga naapektuhan sang bagyo.

Sa nasambit nga kantidad, ang $100-M diri ang madiretso sa improvement sang power system sang Florida.

Matandaan nga nagdangat na sa 17 ka tawo ang napatay bangud sa pagpanglaslas sang bagyong Milton sang nakaligad nga semana.