-- ADVERTISEMENT --
Nagpaandam ang Bureau of Internal Revenue (BIR) nga ila suspendiron ang mga online business nga indi rehistrado sa ila nga ahensiya.
Ini ang nakasaad sa ila nga Revenue Regulations 15-2024 nga mahimo nila nga i-suspend ang operasyon sang mga negosyo pinaagi sa pag-isyu sang mga closure ukon take-down order.
Sa tion nga may kaso ang online business, mahimo nila nga himuon ang pagkakas sa mga websites, webpage, account, platform ukon app nga ginagamit para magbaligya sang mga produkto.
Mahimo man sila nga mapasakaan sang BIR sang kaso nga tax evasion batuk sa mga negosyante sa idalom sang Run After Tax Evaders program.
