Matapos nga maka-ekperyensya sang malain nga panyempo, balik-byahe na ang tanan nga mga sakayan pandagat sa probinsya sang Capiz.
Sa interview sang Bombo Radyo kay Commander Edison Diaz, Commanding Officer sang Philippine Coast Guard Capiz, ginpahayag sini nga mahimo na nga makabyahe ang mga dalagkuan nga sakayan pandagat matapos nga na-clear na sa gale-warning ang probinsya sang Capiz.
Suno pa kay Diaz, wala naman sang may nagapamilit nga magbyahe sa pihak nga malain ang tyempo kag wala man sang may napagkit nga mga insidente ang ila nga talatapan subong man wala man sang may narekord nga na-stranded nga mga pasahero.
Panugyan sini nga sa gihapon indi danay magbyahe ang mga magagmay nga motor banka agud malikawan ang mga indi malikawan nga insidente tuga sang malain nga tyempo.
