ROXAS CITY – Indi pabor ang chairman sang committee on appropriations sa pahayag ni Capiz Gov. Esteban Evan Contreras natuhoy sa pagpadala sini sang veto message sa Sangguniang Panlalawigan.
Ini ang ginpahayag ni Board Member Jonathan Sonny Besa sang mainterview sang Bombo Radyo.
Suno kay Besa nga wala man sila sang may ginlapas nga local government code natuhoy sa pagkuha sang P1 million sa CAPENRO.
Ginpahayag sini nga ginapanumdom lamang nila ang kaluwasan sang mga pumuluyo rason nga mas pabor sa ila ang pagdugang sang pondo para sa pagbakal sang COVID19 vaccines.
Apang wala pa ini ginpaboran sang gobernador apisar nga kulang ang pondo sang probinsya para sa nasambit nga bakuna.
Dugang pa sini sang damlag lang nagpaguwa sang memorandum order ang gobernador may kaangtanan diri rason nga ginsunod lamang ini sang Sangguniang Panlalawigan.
