Ginpabugal sang Bureau of Customs nga naglab-ot na sa masobra P5-bilyon nga balor sang mga iligal nga vape products ang ila nga nakumpislkar subong nga tuig.
Ang nasambit nga balor ang resulta sang ginpasangkad nga kampanyan sang Customs batuk sa mga iligal nga vape products sa pungsod.
Sadtong Abril, ila ginguba ang yara sa 14,100 nga kahon sang mga vape products nga nagabalor sang P1.5 bilyon nga ila nakumpiskar sa syudad sang Valenzuela sadtong Oktubre 2023.
Samtang sini nga bulan sang Agosto, may 28,200 nga mga kahon sang mga vape products ang ila nga ginguba.
Samtang padayon naman ang ila nga ginapatigayon nga pagbantay para ipatuman ang Vaporized Nicotine and Non-Nicotine Products Regulation Act and the Customs Modernization and Tariff Act.
Kaupod man nila ang Bureau of Internal Reveneu (BIR) kag Department of Trade and Industry (DTI) sa nasambit nga operasyon.
