ROXAS CITY – Isa ka maayo nga Barangay Tanod kag wala sang malain nga record ang ginapahayag suspek sa pagpangluthang sa isa ka lalaki sa Pinesville, Barangay Bato, Roxas City.
Matandaan nga ginkilala ang biktima kay alyas “Jan-Jan”, yara sa legal nga pang-edaron kag pangayaw samtang ang ginatudlo nga suspek ang ginkilala kay Manuel Onas Ferrer, 52-anyos, Barangay Tanod sa lugar.
Sa interview sang Bombo Radyo kay Punong Barangay Nixon Bulquiren ginpahayag sini nga nakabaton siya sang tawag kung sa diin may nagluntad nga pagbayluhanay sang lupok sang armas-luthang sa lugar.
Gilayon man ini nga ginpadulungan sang isa sa iya mga Barangay Official agud tsekyaron, kag didto ginsiling ni Onas nga una siya gingubat ni alyas “Jan-Jan” kung sa diin ginluthang sang ika-tatlo ka beses gamit ang .45 caliber Colt nga armas luthang apang maswerte nga daplis lamang sa bayo ang igo sini.
Suno kay Bulquiren, nagbalos ang suspek sa pagtiro sa una sini nga pagluthang wala maigo ang biktima kag sa ika-duha pagdumdum sini nga nagkuob lamang apang naigo na ini sa ulo.
Matapos ang insidente, mismo ang suspek suno diri ang nagtawag sang pulis agud magpangayo sang responde.
Gilayon man nga ginpadangat sa ospital ang biktima para sa nagakaigo nga pagbulong kag boluntaryo naaman nga nagsungkaa ang suspek sa mgakapulisan.
