Ginbuyagyag ni anay Bulacan 1st district Assistant Engineer Brice Hernandez ang ginaalegar tungaay sang mga opisyal sang Department of Public Works and Highways sa kita halin sa ghost projects.
Sa hearing sang Senate Blue Ribbon Committee kahapon, ginpahayag ni Hernandez nga matapos siya ginhatagan sang legislative immunity, iya gintumod ang iya anay boss nga si former Bulacan 1st district Engineer Henry Alcantara nga ginaalegar nagabaton sang 40% sang income, samtang tag 20% naman ang nagakadto kanday Engineer Jaypee Paulee Mendoza kag Engineer Paul Duya.
Suno kay Hernandez, nagdaku ang “grease money” ukon suhol gani napilitan sila nga magpatuman sang ghost projects.
Pahayag pa niya, mismo si Alcantara ang nag-istorya sa iya nga ang suhol ang nagakadto sa proponent.
Samtang, ginpanginwala naman ni Alcantara ang mga akusasyon kag blangko man ini kun sin-o ang ginapahayag ni Hernandez nga proponent.
Apang sa ulihi , gin- contempt si Alcantara bangud sang iya ginaalegar mga kabutigan may kaangtanan sa mga proyekto nga ghost project.
